復活節當然唔少得有復活蛋，但….其實小小豬咁大個仔都未玩過EggHunt，所以就嚟到Donut Playhouse玩新推出嘅限定節目，復活彩蛋歷奇之旅。(註：活動係適合3 - 12歲小朋友，所以小小豬冇超齡呀…哈哈)
之前行過幾次見到條Happy Mega Slide小小豬都話好想玩，今次終於都俾佢玩到了，係20分鐘入面小小豬都唔知來來回回瀡左幾多次，佢話超級刺激呀！
之後就跟姐姐學整復活節擺設，小小豬用左綠色輕黏土嚟刺一整佢嘅小雞裝飾，真係唔知好嬲定好笑。不過姐姐話小朋友最重要就係發揮創意，過程整得開心咁就可以達到目的。
嚟到最期待嘅一環，係十分鐘內盡快收集完整嘅復活蛋之外，仲要從中搵獨一無二嘅金蛋。小小豬全程超忘我地周圍搵蛋，雖然最後都係搵唔到金蛋，不過都收集左145隻復活蛋，所以都可以收到小禮物。
之後就去旁邊嘅Donut Café，歎返個好味嘅毛喵喵燒同埋士多啤梨奶昔，因為實在太出力，要休息一下先補返體力先得……哈哈！
????小小豬Kinsey????
? Blogger：http://www.kinseymama.com/
? FB page：https://www.facebook.com/kinseymama/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey
